KONKURS PËR APLIKIMIN E STUDENTËVE PËR PJESËMARRJE NË
KLINIKËN LIGJORE PËR MBROJTJEN NDËRKOMBËTARE – E DREJTA E REFUGJATËVE
Fakulteti Juridik, Universiteti i Prishtinës në bashkëpunim me UNHCR-në dhe Programin për të Drejtat Civile në Kosovë, organizon klinikën ligjore për mbrojtjen ndërkombëtare- e drejta e refugjatëve. Klinika ligjore organizohet në kuadër të marrëveshjes në mes të Fakultetit Juridik dhe UNHCR-së.
Ftohen të gjithë studentët e vitit të tretë apo të katërt të studimeve themelore të Fakultetit Juridik/UP që të aplikojnë për pjesëmarrje në këtë Klinikë.
Kushtet për aplikim:
- Të jeni student/enë vitin e III apo të IV;
- Të keni notën mesatare mbi 8 (tetë);
- Preferohet njohja e gjuhës angleze.
Dokumentet e nevojshme për aplikim:
- Dëshmi për statusin e studentit të rregullt;
- Certifikata e notave.
Aplikimi bëhet online në: [email protected] - Qendra për Zhvillim të Karrierës, të Fakultetit Juridik deri me datën 24 Shtator 2021, në ora 16:00. Aplikimet të cilat pranohen pas këtij afati nuk do të merren parasysh.
Gjatë përzgjedhjes parimi i barazisë gjinore do të merret parasysh.
Studentët e përzgjedhur do të njoftohen më së largu deri më 28 Shtator 2021.
Klinika do të filloj punën më datën 5 tetor 2021 në ora 15:00, përmes sistemit online të komunikimit.
Në mbarim të klinikës, pjesëmarrësit do të pajisen me certifikatë për pjesëmarrje të suksesshme.