Dekani Prof.Avni Puka dhe profesorët e Fakultetit Juridik kanë pritur në një vizitë Komisionerin kroat për Mbrojtjen e të Dhënave Personale, njëherit edhe Zëvendëskryesues i Bordit Evropian për Mbrojtjen e të Dhënave (EDPB), z. Zdravko Vukić, ku pjesë e takimit ishte edhe Komisionerja për Informim dhe Privatësi në Republikën e Kosovës, znj.Krenare Sogojeva-Dërmaku.

Në ketë takim u diskutua për disa aktivitete dhe projekte të përbashkëta që konsistojnë në avancimin e bashkëpunimit akademik me fakultetet juridike në Kroaci, si dhe bashkëpunimin në disa programe me dy agjencitë respektive, në funksion të ndërgjegjësimit të studentëve të Fakultetit Juridik për mbrojtjen e të dhënave personale dhe përfshirjen e tyre në aktivitetet e përbashkëta.