Fakulteti Juridik ka nënshkruar marrëveshje bashkëpunimi me Fakultetin Juridik të Universitetit të Zagrebit në Kroaci, si një shkollë juridike me traditë dhe partnere në shumë projekte, programe e aktivitete shkencore në disa fusha të drejtësisë. Delegacioni i Fakultetit Juridik, i përbërë nga dekani Prof.asoc. Avni Puka, prodekani dhe profesorët, gjatë vizitës zyrtare është mirëpritur nga dekani i Fakultetit Juridik të Zagrebit, Prof. Ivan Koprić dhe stafi i fakultetit.Të dy fakultetet në vitet e fundit kanë pas një bashkëpunim intensiv në kuadër të projekteve dhe vizitave studimore.

Marrëveshja e nënshkruar përfshinë një kornizë formale me qëllim të thellimit e konkretizimit të bashkëpunimit akademik si: shkëmbimi akademik i stafit dhe studentëve, angazhimin e profesorëve në kuadër të programeve master, bashkëpunimi në zhvillimin e programeve, avancimit të klinikave ligjore, bashkëpunimit nga fusha e së drejtës penale ndërkombëtare, drejtësisë tranzicionale dhe fusha të tjera. Të dy institucionet janë pajtuar edhe për aplikimin e përbashkët në projekte, programet e mobilitetit, publikimet e përbashkëta (përfshirë personelin e fakulteteve juridike partnere të dy palëve), organizimin e konferencave dhe aktiviteteve tjera shkencore. Gjithashtu marrëveshja, përfshinë mundësinë e studentëve kroatë për të studiuar në kuadër të programit master “Human Rights, International Criminal Law and Transitional Justice”. Marrëveshja si e tillë, përfaqëson edhe inicimin e konceptit të ‘Programit të rrjetëzimit të Fakultetit Juridik” të UP-së.